Vinnustofa og sýningarrými Magdalena Sirrý Design verður opið á Ljósanótt og er til húsa í Fischershúsi, Hafnargötu 2 í Reykjanesbæ. Magdalena Sirrý sýnir textíl og handverk og listakonan Gegga (Helga Birgisdóttir) sýnir verk sín.

Opnunartímar

Fimmtudagur 2. september kl. 15:00-21:00

Föstudagur 3. september kl. 14:00-21:00

Laugardagur 4. september kl. 12:00-22:00

Sunnudagur 5. septebmer kl. 16:00-19:00

Allir velkomnir!

senda frétt á facebook

Íslenska bútasaumsfélagið stendur fyrir yfirlitssýningunni Bút fyrir bút í 30 ár í Perlunni daganna 10.-19. september.

Sýningin er haldin í tilefni 10. ára afmælis félagsins. Sömuleiðis verða sýnd teppi sem voru saumuð fyrir samkeppni félagsins er heitir Tækifæriskort. Félagið er aðili að EQA sem eru samtök bútasaumsfélaga í Evrópu og var þeim félögum boðið að taka þátt í samkeppninni.

Sýningin verður opnuð föstudaginn 10. september klukkan 17:00 og verður opin á opnunartímum Perlunnar, frá 10:00 til 18:00, alla daga.

Color Connections

Félagið sýnir einnig teppi í Tjarnarsal Ráðhússins sem bera yfirskriftina Color Connections. Sú sýning er samstarfsverkefni EQA og sendi hvert land níu teppi í stærðinni 40 x 40 cm í fyrirfram ákveðnum lit. Í hlut Íslands kom að sauma teppi í túrkíslit.

Sýningin verður opnuð þriðjudaginn 14. september klukkan 17:00.

Opnunartímar Ráðhússins eru: virka daga frá 8:00 til 19:00 og um helgar frá 12:00 til 18:00.

Sjá einnig www.butasaumur.is og www.e-q-a.eu

Að fanga liti jurtanna 

Verið velkomin á fyrsta handverkskaffi haustsins í Gerðubergi miðvikudagskvöldið 1. september kl. 20.

Þetta kvöld kynna Sigrún Helgadóttir og Þorgerður Hlöðversdóttir jurtalitun. Gestum gefst kostur á hlýða á stutt erindi um töfraheim jurtalitunar og kynnast þannig hvernig lita má garn eða klæði með jurtum úr íslenskri náttúru. Á staðnum verða sýnishorn af jurtum og jurtalituðu garni.

Sigrún er líf- og umhverfisfræðingur en Þorgerður er textíllistakona og kennari. Þær hafa árum saman unnið að jurtalitun og m.a. kennt hana á námskeiðum hjá Heimilisiðnaðarfélagi Íslands.

Handverkskaffi í Gerðuberg er fyrsta miðvikudagskvöld í mánuði. Markmiðið með þessum kvöldum er að bjóða upp á notalega stund þar sem gestir geta fengið sér kaffi og með því, spjallað og jafnvel tekið í handavinnu. Boðið er upp á stuttar skemmtilegar kynningar og stundum sýnikennslu, allt eftir viðfangsefni kvöldsins.

 Handverkskaffið hefst kl. 20, aðgangur er ókeypis.

Sýning Auðar Ingu Ingvarsdóttur „Botníur og borðfætur“ var opnuð á Skörinni, Aðalstræti 10 á Menningarnótt í Reykjavík þann 21. ágúst.

Auður Inga lauk námi frá Glasgow School of Art  fyrir tveimur árum. Hún vinnur  aðallega í steinleir sem hún handmótar og rennir. Auður Inga vinnur gjarnan út frá þeirri hugmynd  að enginn hlutur er eins og reynir gjarnan að ýkja það í verkum sínum.

Viðfangsefni sýningarinnar „Botníur og borðfætur‟  eru undirstöður hlutana. Undanfarin ár hefur Auður Inga gert svokallaðar botníur en þær hafa ekki fætur heldur liggja á botninum. Auði Ingu langaði til að koma með verk á móti sem standa á fótum. Í því sambandi fór hún að skoða borðfætur og þá sérstaklega fætur á gömlum antikborðum.

Sýningin stendur til 14. sept. og er opin alla virka daga kl. 9 - 18 og um helgar kl. 12 – 17.

Sjá einnig www.ainga.net

4. til 23. des. 2010

„ALLIR FÁ ÞÁ EITTHVAÐ FALLEGT …”

HANDVERK OG HÖNNUN stendur fyrir sýningu á aðventunni eins og undanfarin tíu ár. Við leitum annars vegar að nýjum verkum og hins vegar að nýju jólaskrauti. Allir sem vinna við listiðnað, hönnun og handverk geta tekið þátt. Engar takmarkanir eru á efni, formi eða stærð.

Innsendir munir verða að uppfylla eftirfarandi skilyrði:

1.      Verkin verða að vera ný þ.e. gerð á árinu 2010

2.      Verkin mega ekki hafa verið til sölu eða til sýnis fyrir sýninguna.

Skila þarf inn fullunnum hlutum í síðasta lagi 13. nóvember  2009.

Fagleg valnefnd velur sýningarmuni.

Gert er ráð fyrir að niðurstaða valnefndar liggi fyrir 20. nóvember.

Þeir sem verða valdir til þátttöku greiða kr. 15.000.- í þátttökugjald vegna sýningarinnar. Áætlað er að sýningin opni 4. des. er í Aðalstræti 10,  í Fógetastofunum og á skörinni 2. hæð.

Allar nánari upplýsingar á skrifstofu HANDVERKS OG HÖNNUNAR sem er opin mánud. – föstud. frá kl. 9.00- 16.00.

Sendið umsóknir til: HANDVERK OG HÖNNUN • Pósthólf 1556 • 121 Reykjavík eða afhendið í Aðalstræti 10, 2. hæð.

10–23 Viðkomustaðir 

Guðmunda Kristinsdóttir sýnir málverk sín. Húnoghún, Skólavörðustíg 17b

10–23 Skúlptúr

Sýning Sigurdísar Hörpu í gluggum verslunar Rauða krossins að Laugavegi 12.

10–22 Kæruleysi

Ragnheiður Ösp Sigurðardóttir vöruhönnuður sýnir myndskreytingar í handgerðum römmum og heklaðar fígúrur. Laugavegi 48

13–16 Opin vinnustofa

Stella Sigurgeirsdóttir opnar vinnustofu sína. Gamlir stólar og rimlagardínur öðlast nýtt líf í höndum barna! Hverfisgötu 50

13:30–14 Farmers Market – Ný hönnun

Farmers Market kynnir nýjar vörur. Kraum, Aðalstræti.

14–18 Sýning á verkum Heidi Strand

Heidi Strand sýnir textílmyndverk unnin úr þæfðri ull með blandaðri tækni í húsnæði Norræna félagsins. Norræna félagið, Óðinsgötu.

14:30–15 Reykjavík Towel

Reykjavík Towel kynnt af hönnuðum. Kraum, Aðalstræti.

15–17 Páll á Húsafelli – opnun sýningar

Opnun sýningar á verkum Páls á Húsafelli. Við opnunina leikur Páll á steinhörpu sem er hans eigin smíð. Panorama, Ingólfsstræti 1.

15–15:30 Utanum

Eva Vilhelmsdóttir kynnir nýja línu úr íslenskri ull undir merkinu Utanum. Kraum, Aðalstræti.

15–16 Tískusýning við Gömlu höfnina

Gallerí og verslanir við Gömlu höfnina sýna það nýjasta í hönnun. Sædís gullsmiðja, Geirsgötu 5b.

16–17 Arfleifð-Heritage from Iceland

Á tískusýningunni verða sýndar töskur, fylgihlutir og fatnaður úr íslenskum hráefnum. Ferðamálastofa, Geirsgötu 9

17–18 Minn Ásmundur

Björg í Bú, Guðrún, Helga og Edda kynna vinningstillögu í Ásmundarsamkeppni, nýtt púsluspil í anda Ásmundar Sveinssonar. Kraum, Aðalstræti

Fjölmargir fleiri viðburðir á vef Menningarnætur www.menningarnott.is

Á Menningarnótt mun Hönnunarmiðstöð Íslands hafa dyr sínar opnar fyrir gesti og gangandi. Lifandi upptökur frá HönnunarMarsi 2010 auk svipmynda frá hönnunarsýningunum Iceland Contemporary Design sem opnaði á Listahátíð 2009 á Kjarvalsstöðum og í Dansk Design Center í febrúar 2010 og sýningunni Náttúran í hönnun í Ljósafossstöð verða sýndar. Þessar sýningar eru meðal þeirra sem Hönnunarmiðstöðin hefur nýlega staðið fyrir og eru þáttur í að kynna íslenska hönnun á innlendum og erlendum vettvangi.

Verið velkomin í Vonarstræti 4b.

Fjórir þátttakendur frá Íslandi

Verk eftir Jónínu Guðnadóttur

Annað hvert ár er haldinn stór viðburður á eyjunni Bornholm í Danmörku. Annars vegar er viðburðurinn helgaður evrópskri samtíma leirlist en hins vegar glerlist.  European Ceramic Context var haldið í fyrsta sinn 2006 og European Glass Context  árið 2008.

Nú í ár er viðburðurinn helgaður evrópskri samtíma leirlist. Um er að ræða sýningar, vinnustofur, málþing og fyrirlestra. Þetta er kjörið tækifæri til að kynnast því besta sem er að gerast í leirlist í Evrópu um þessar mundir.

Haldnar eru tvær viðamiklar sýningar þar sem verk 110 leirlistamanna frá 30 Evrópulöndum eru sýnd. Önnur sýningin kallast European Ceramic Art en þar eru sýnd verk leirlistamanna sem þegar hafa hlotið viðurkenningu í faginu. Á hinni sýningunni sem kallast New Talent eru sýnd verk leirlistamanna undir 35 ára aldri. Alþjóðleg dómnefnd valdi inn á sýningarnar eftir tilnefningar frá hverju heimalandi.

Fjórir íslenskir leirlistamenn taka þátt í European Ceramic Context 2010. Jónína Guðnadóttir og Margrét Jónsdóttir á sýningunni Eurpean Ceramic Art og Jóna Birna Óskarsdóttir og Unnur S. Gröndal á New Talent.

Sýningarnar eru haldnar á Bornholms Art Museum, Grønbechs Gard  og standa frá  11. sept. til 7. nóv. 2010.
Lesið meira um European Ceramic Context 2010 á vefsíðunni www.europeanceramiccontext.com

 Ragna Sigurðardóttir skrifar um íslensku sýnendurna:

Jónína Guðnadóttir er fædd í Reykjavík 1943. Hún er menntuð á Íslandi og í Svíþjóð og á að baki fjölda einka- og samsýninga víða um heim. Verk hennar eru í eigu allra helstu safna á Íslandi auk safna í Þýskalandi. Nýverið var sett upp eftir hana stórt útilistaverk á austurhluta Íslands.  Frá upphafi hefur list Jónínu einkennst af dirfsku og nýsköpun, en Jónína var strax í upphafi ferils síns meðlimur í SÚM, félagsskap ungra, framsækinna listamanna á Íslandi. Vinnuaðferðir hennar og efnisnotkun þar sem leirinn er í fyrirrúmi eru einstakar í íslenskri myndlist. Leirinn er þó ekki eini efniviður Jónínu, hún vinnur einnig í málm, gler og ýmis efni; lágmyndir, höggmyndir, stórar innsetningar og útilistaverk.   Meira...

Margrét Jónsdóttir er fædd á Akureyri árið 1961. Hún lærði leirlist í Danmörku, gerð keramikflísa í Bandaríkjunum og lagði stund á mósaík á Ítalíu. Hún hefur haldið allnokkrar einkasýningar, síðast á Listasafni Akureyrar þar sem hún hefur einnig verið bæjarlistamaður. Margrét hefur tekið þátt í fjölda samsýninga á Norðurlöndum og Íslandi.   List hennar einkennist af mjúkum, lífrænum og flúruðum formum. Stíllinn minnir að hluta til á íburð franska rókókóstílsins á átjándu öld. Þá voru skeljaform algeng eins og hjá Margréti en form skelja og gróðurs, rósa og laufblaða eru ríkjandi í gripum hennar. Tenging við náttúruna er undirstrikuð í að því er virðist  handahófskenndri uppröðun gripa á borði eða gólfi, hér minna fínleg formin á sjaldgæfar skeljar á strönd, fundinn fjársjóð. Meira....

Jóna Birna Óskarsdóttir er fædd á Húsavík 1981. Hún lagði stund á nám í keramik við Iðnskólann í Reykjavík, Danmarks Designskole og nám í mótun við Myndlistaskólann í Reykjavík. Hún hefur tekið þátt í samsýningum víða um Ísland en nú í fyrsta sinn ferðast verk hennar út fyrir landsteinana.   Jóna Birna hefur horft til náttúrunnar við gerð verka sinna, nytjahluta með óvænta eiginleika sem vekja upp spurningar. Nefskolarinn er einn af þeim. Lögun hans er kunnugleg og framandi í senn, lífræn og óregluleg form kallast á við vélræna og fastmótaða þætti.    Meira...

Unnur S. Gröndal er fædd í Reykjavík árið 1980. Hún hóf nám sitt við Myndlistaskólann í Reykjavík og hélt síðan til framhaldsnáms við keramikdeild Designskolen Kolding í Danmörku þar sem hún lauk M.A.-námi árið 2007. Hún hefur tekið þátt í sýningum á Íslandi, Danmörku og í Hollandi og hélt einkasýningu í Reykjavík 2009.   Unnur skapar samhliða nytjahluti og fagurlistir. Meginþema verka hennar eru fíngerðir skúlptúrar, frístandandi eða hangandi, handmótaðir og settir saman með form, liti og áferð í huga. Hver og einn er samsettur úr nokkrum eða mörgum handmótuðum einingum þar sem einstök form tengjast á viðkvæman og brothættan máta. Formin eru óregluleg og mjúk, hol að innan og tóm þeirra nær áþreifanlegur hluti af verkunum. Meira...     senda á facebook

Hver stendur fyrir keppninni: 

Forsætisráðuneytið (nefnd til undirbúnings 200 ára fæðingarafmælis Jóns Sigurðssonar) í samstarfi við HANDVERK OG HÖNNUN, Hönnunarmiðstöð Íslands, Listaháskóla Íslands og Þjóðminjasafn Íslands.

Verkefnið:

Að hanna minjagrip sem sækir innblástur í sögu og  menningararf og tengist lífi og starfi Jóns Sigurðssonar. Þann 17. júní 2010 var opnaður vefur með margvíslegum upplýsingum og efni um Jón Sigurðsson sem þátttakendur geta notfært sér.

Verðlaunafé:

Verðlaunfé er ein milljón króna sem skiptist þannig: 1. verðlaun kr. 600.000.- og kr. 400.000.- sem skiptast skv. ákvörðun dómnefndar.

Fyrir hverja:

Keppnin er öllum opin  og vonast er til að hönnuðir, handverksfólk, listafólk og nemendur sjái sér fært að taka þátt.