Ný vefsíða NNCA

HANDVERK OG HÖNNUN er í samstarfi við norrænu samtökin Nordic Network of Crafts Associations (NNCA). Nú hefur ný vefsíða samtakanna verið opnuð. Síðan var hönnuð af Bielke&Yang og á henni má finna allar upplýsingar um samtökin og þau verkefni sem þau hafa staðið fyrir. 

 

Nordic Network of Crafts Associations er skipað:

• Danske Kunsthåndværkere & Designere (Danmörk);
• HANDVERK og HÖNNUN (Ísland);
• Konsthantverkscentrum (Svíþjóð); Konstnärernas Riksorganisation (Svíþjóð);
• Norske Kunsthåndverkere (Noregur);
• Norwegian Crafts (Noregur) and
• ORNAMO  (Finnland).

Samtökin NNCA voru stofnuð árið 2010. Markmið þeirra er að stuðla að samstarfi og samtali milli landanna til að styrkja stöðu samtíma handverks og listiðnaðar á Norðurlöndunum.

Starfsemi NNCA er tvíþætt: annars vegar eru haldnir fundir þar sem pólitísk, félagsleg og efnahagsleg málefni sem tengjast handverki og listiðnaði á Norðurlöndum eru rædd. Í öðru lagi stendur NNCA fyrir og tekur þátt í verkefnum sem stuðla að kynningu og miðlun á norrænu handverki og listiðnaði á alþjóðlegum vettvangi.