Opnunahátíð - LIST ÁN LANDAMÆRA 2019
LIST ÁN LANDAMÆRA 2019
List án landamæra 2019 verður haldin dagana 5. til 20. október í Gerðubergi.
Verið velkomin á opnunarhátíð haldin laugardaginn 5. október kl. 15:00 í Gerðubergi
Dagskrá opnunarhátíðar
- Eliza Reid, forsetafrú, mun setja hátíðina og veita Atla Má Indriðasyni viðurkenningu sem listamanni Listar án landamæra 2019
- Bjöllukórinn flytur tónlist
- Kolbeinn Jón Magnússon og Sigurður Reynir Ármannsson flytja gjörning
- Flutt verður brot úr Fegurð í mannlegri sambúð, nýtt verk eftir Ásrúnu Magnúsdóttur, Gunni Martinsdottur Schlüter og Olgu Sonju Thorarensen
Kynnar verða Katrín Guðrún Tryggvadóttir, þáttagerðarkona úr Með okkar augum og Jafet Máni dagskrágerðarmaður á Rúv núll
Opið verður í innsetningu Báru Halldórsdóttur, Haltur leiðir blindan, á fyrstu hæð í Gerðubergi.
Einnig verða ýmis vídjóverk sýnd á víð og dreif um húsið.
Samhliða opnunarhátíðinni opnar einnig samsýning listamanna sem mun standa yfir í Gerðubergi alla daga Listar án landamæra.
List án landamæra er listahátíð sem leggur áherslu á list fatlaðra listamanna. Tilgangur hátíðarinnar er að auka menningarlegt jafnrétti fyrir fatlaða listamenn. Eitt af markmiðum hátíðarinnar árin 2019 - 2021 er að auka samtal við stjórnendur og skipuleggjendur í listheiminum með það fyrir sjónum að auka aðgengi fatlaðra listamanna að listheiminum.