Sérfræðileiðsögn um textíla Þjóðminjasafns Íslands
12. apríl, 2019
Íris Ólöf Sigurjónsdóttir textílhönnuður og textílforvörður veitir sérfræðileiðsögn um Þjóðminjasafn Íslands sunnudaginn 28. apríl kl. 14. Hún mun staldra við ólíka textíla sem skoða má á grunnsýningunni Þjóð verður til – menning og samfélag í 1200 ár og segja frá gerð textílanna, notkun þeirra og fleira.
Íris hefur starfað á nokkrum söfnum, meðal annars sem safnstjóri Byggðasafnsins Hvols á Dalvík í 16 ár. Hún starfar nú meðal annars sem stundakennari hjá Myndlistaskólanum í Reykjavík.
Leiðsögnin fer fram á íslensku og er öllum opin.