Vistvænn jólamarkaður
Norræna húsið heldur Vistvænan jólamarkað fyrsta laugardaginn í desember þar sem boðið verður upp á umhverfisvænar og spennandi vörur í jólapakkann. Markaðurinn var haldinn í fyrsta sinn á síðasta ári og fékk glæsilegar móttökur, bæði frá almenningi og þátttakendum.
Sjálfbær jólamarkaður 2. desember kl. 14-17
Á markaðnum verða hönnuðir, listamenn og handverksfólk sem fylgir umhverfissjónarmiðum í hönnun eða framleiðslu á vörum sínum. Sjálfbærar vörur eru sem dæmi endurhannaðar, lífrænar, úrgangslausar, endurunnar, plastlausar eða heimagerðar úr náttúrulegum efnum.
Gerir þú sjálfbærar vörur?
Sendu póst til Kristbjorg@nordichouse.is ásamt lýsingu og myndum/link sem gefa til kynna hvað þú ætlar að selja á markaðnum. Þátttaka á markaðnum er ókeypis.