Vorið kemur, heimur hlýnar... - sýning á Skriðuklaustri
13. apríl, 2023
Sýningin "Vorið kemur, heimur hlýnar..." á Skriðuklaustri.
Í ár var innblásturs leitað til skáldsins Jóhannesar úr Kötlum þegar undirbúin var vorsýning á Skriðuklaustri. Eftir þungan vetur um allt land var ákveðið að vorið og gróandinn yrði þema sýningarinnar. Flest verkin eru marglit, í skærum litum og úr fjölbreyttu hráefni. Sýningin mun vonandi minna okkur á að sumarið er á næsta leiti, litríkt og fallegt.Verkin eru mjög fjölbreytt og sýnendur koma vítt og breytt af landinu: Anna Gunnardóttir, Auður Bergsteinsdóttir, Bjarni Þór Kristjánsson, Embla Sigurgeirsdóttir, Erla Björk Sigmundsdóttir, Guðný Hafsteinsdóttir, Guðrún Halldórsdóttir, Ingibjörg Ósk Þorvaldsdóttir, Jedúddamía (Kristrún Helga Marinósdóttir) og Ólöf Erla Bjarnadóttir.
Sýningin er samstarfsverkefni HANDVERKS OG HÖNNUNAR og Gunnarsstofnunar og verður opin frá 1. apríl til 1. maí á opnunartíma safnsins 11-17 alla daga.