Handverk og hönnun í Ráðhúsi Reykjavíkur
Sýningin Handverk og hönnun í Ráðhúsi Reykjavíkur var að þessu haldin tvær helgar vegna mikils fjölda þátttakenda. Annars vegar 7.- 11. nóv. og svo 13.-17. nóv. 2013. Þessi mikli áhugi var að sjálfsögðu mjög ánægjulegur og endurspeglar þá grósku sem er á Íslandi á þessu sviði. Þessi óvenjulega og ánægjulega staða kallaði á nýjar lausnir og stóð sýningin í tíu daga í stað fimm áður. Þátttakendur voru samtals 90.
Skúlaverðlaunin 2013 voru afhent á fyrsta opnunardegi sýningarinnar. Þau hlaut Helga Ósk Einarsdóttir gullsmiður og skartgripahönnuður fyrir verkið „Jafnvægi“. Helga Ósk er einn af okkar fremstu gullsmiðum. Helga Ósk er með mjög persónulega og skemmtilegan stíl og vinnur einnig með gamla víraverkið á nýstárlegan hátt. Auk verðlaunanna var veitt ein viðurkenning en hana hlaut Kristín Sigfríður Garðarsdóttir leirlistakona fyrir verkið „Doppur“.
Bæklingur:
Þátttakendur
Myndir frá sýningu
Skúlaverðlaun 2013
Helga Ósk Einarsdóttir hlaut Skúlaverðlaunin 2013 á sýningunni Handverk og hönnun í Ráðhúsi Reykjavíkur
Efnt er til verðlaunasamkeppni um besta nýja hlutinn meðal þátttakenda í sýningunni. Um þrjátíu tillögur bárust frá 20 aðilum. Þeir sem valdir voru til þátttöku í sýningunni nú í nóvember gátu tilkynnt til HANDVERKS OG HÖNNUNAR nýja vöru í verðlaunasamkeppni um besta nýja hlutinn. Skilyrðin voru að hlutirnir máttu hvorki hafa verið sýnis né sölu opinberlega fyrir sýninguna í Ráðhúsinu. Verðlaunin eru kennd við Skúla Magnússon fógeta sem er frumkvöðull smáiðnaðar í Reykjavík. Fagleg valnefnd sem Guðbjörg Gissurardóttir grafískur hönnuður og Eva Vilhelmsdóttir fatahönnuður skipuðu valdi verðlaunahafa.
Skúlaverðlaunin 2013 hlaut Helga Ósk Einarsdóttir gullsmiður og skartgripahönnuður fyrir verkið „Jafnvægi“. Helga Ósk er einn af okkar fremstu gullsmiðum. Helga Ósk er með mjög persónulega og skemmtilegan stíl og vinnur einnig með gamla víraverkið á nýstárlegan hátt. Auk verðlaunanna var veitt ein viðurkenning en hana hlaut Kristín Sigfríður Garðarsdóttir leirlistakona fyrir verkið „Doppur“.
Verðlaunin eru styrkt af Samtökum iðnaðarins og var það Orri Hauksson fráfarandi framkvæmdastjóri sem afhenti verðlaunin.
Myndir frá afhendingu Skúlaverðlaunanna
Viðhorfakönnun
Fjölmiðlaumfjöllun
