ShiftED
Sýningin ShiftED var opnuð í Aðalstræti 10 á HönnunarMars 2018.
Á sýningunni voru ný samvinnuverk 11 skoskra og íslenskra hönnuða sem hittust fyrst á HönnunarMars 2017. Þeir skipust á hugmyndum og unnu saman að verkunum á sýningunni.
Tilgangur verkefnisins SHIFT er að gefa ólíkum hönnuðunum kost á faglegu samtali og útbúa farveg þar sem þeir geta veitt hver öðrum innblástur. Fyrsta sýningarverkefni hópsins var á HönnunarMars í fyrra en í júní 2017 sýndi hópurinn svo á XPONorth í Skotlandi og mun sýna í Inverness Museum and Art Gallery frá maí til júlí 2018.
Samstarfsverkefnið er í senn vettvangur fyrir ferskar hugmyndir og nýja nálgun í skapandi framleiðslu. Því er einnig ætlað að efla og búa til tengingar við nýja markhópa og stuðla að nánari tengslum milli landanna.
Í tengslum við sýninguna var gerð stuttmynd um samstarfið og sýnendurna.
Skoskir hönnuðir
Diggory Brown / Netty Sopata, fatahönnun
Julia Smith keramik
Yellow Broom Clare Waddell og Dave Robson, ljóshönnun
Lucy Woodley skúlptúr
Jen Deschenes textíll
Íslenskir hönnuðir
Agustav / Ágústa Magnúsdóttir og Gústav Jóhannsson, húsgagnahönnun
Arndís Jóhannsdóttir/ Dísa, söðulsmiður og hönnuður
Guðný Hafsteinsdóttir keramik
Ýr Jóhannsdóttir textíll
Sýningarstjórar: Carol Sinclair og Pamela Conacher
Shift er verkefni sem unnið er í samstarfi skosku samtakanna Emergents og HANDVERKS OG HÖNNUNAR á Íslandi.
Myndir
